Tilgang til satellittdata
Det finst eit stort tal på tenester som gir tilgang til satellittdata og -bilete for private og profesjonelle brukarar.
For nye brukarar kan det vere utfordrande å finne fram til data og bilete ein treng, til rett tid, med god oppløysing og til ein rimeleg pris.
Direktoratet for romverksemd har derfor laga ei oversikt over dei tenestene som er mest nyttige og relevante for norske aktørar innan næringsliv, akademia og offentleg forvaltning. Fleire av tenestene kan òg vere interessante for journalistar, frivillige organisasjonar og andre med interesse for tema som romteknologi, jordobservasjon, klima og miljø.
Dersom du treng meir informasjon om tilgang til og bruk av satellittdata, kan du ta kontakt med fagekspertane våre i avdeling for næringsutvikling og innovasjon.
- Satellittdata.noNorsk teneste som gir tilgang til Sentinel-data, trygg, rask og operasjonell datastraum til nasjonale tenester og lagring av data over norske interesseområde.
- InSAR NorgeLandsdekkjande innsynkingsdata i ei nettbasert 3D-kartteneste. Nyttig for kartlegging av deformasjonar i landskapet, innsynking og ustabil grunn.
- EUMETCastSatellittdata og dataprodukt frå EUMETSAT (europeisk samarbeidsorganisasjon for meteorologiske satellittar der Noreg er medlem) for overvaking av hav, vêr, atmosfære, land, klima og miljø. EUMETCast leverer òg ei rekkje tredjepartsprodukt.
- Sentinel HubSentinel Hub gjer Sentinel-, Landsat- og andre jordobservasjonsdata lett tilgjengelege for utforsking, visualisering og analyse, og passar best for forskarar og personar med grunnleggande kunnskap om bruk av geodata.
- Sentinel PlaygroundSentinel Playground er ei brukarvennleg teneste som vert oppdatert dagleg, og passar for forskarar og privatpersonar med interesse for jordoverflata og naturfenomen.
- NOAAStatleg, amerikansk teneste med mange typar data og bilete i sanntid. Gratis for privatpersonar, betalt for kommersielle aktørar.