Overvåkar innsynking

Om du bruker InSAR Noreg, kan du kartleggje deformasjonar i landskapet, som til dømes innsynking i byar og rørsler i ustabile fjellområde.

Ved hjelp av radardata og avanserte algoritmar kan ein fastsetje millimeterskala rørsler, til dømes i byområde med innsynking eller ustabile skråningar i terrenget. Rørsler kan vere endringar i grunnvatnet, ustabile fjellområde, geologiske tektoniske rørsler, eller dei kan kome som følgje av bygge- og anleggsarbeid.

Tenesta inneheld tidsseriar frå 2015 for innsynking, målt i over 5 milliardar punkt i Noreg. Datasettet vert oppdatert ein gong i året om hausten/vinteren, når data frå sommarhalvåret er samla inn og ferdig prosessert. Grunnlag og geologiske kart vert henta via WMS frå Geonorge.

InSAR fungerer ikkje på snø, derfor vert det berre brukt data frå månader med lite snødekke til det landsdekkjande datasettet. I ein framtidig utgåve av karttenesta vil det verte brukt data frå heile året i byområde.

Brukargrensesnittet er tilpassa ei brei målgruppe innan næringsliv, akademia og offentlege aktørar. Dataa kan òg vere interessante for byplanleggjarar, forsikringsselskap, eigedomsmeglarar og privatpersonar som er nysgjerrige på om huset deira synk.

Tenesta er utvikla av Norges geologiske undersøking (NGU), Norges vassdrags- og energidirektorat (NVE) og Direktoratet for romverksemd. Forskningsinstituttet NORCE og PPO.Labs har vore sentrale i utviklinga.